steve在95年冬首次去辰野出差, 回香港經東京時, 第一個景點是東京鐵塔. 東京鐵塔其實是發射電視及無線電波的天線塔樓是現代化的建築物, 東京タワー就是英文TOKYO TOWER的日文拼音. 拍攝東京鐵塔的最佳位置是增上寺, 如果到達鐵塔底就很難拍攝到完整的鐵塔全貌. 下圖是Steve在95年冬在芝公園的增上寺所拍攝的作品, 使用OLYMPUS的u1菲林機.

東京鐵塔高333米, 可能是東京最高的建築物, 遊客可以在塔上鳥瞰東京都的繁華景色. 下圖是Steve在觀景層拍攝的塔底街景.

東京鐵塔是初遊東京的最佳景點, 白天去固然好, 但想欣賞東京夜景就一定要晚上去. 搭JR就在濱松町駅下車, 電車淺草線就在大門駅下車,電車大江戶線就在赤羽橋駅落啦. 鐵塔三樓有販賣紀念品手信店. Steve當年買了很多東京鐵塔鎖匙扣做手信.

相關文章 : 首次到日本(3)

ようこそ長野県へ - 秋天的長野應該是個旅遊的好地方.

長野縣除了巴西人外, 原來也有不少其他國籍的外國人. 市/町/村政府也想很周到,在每個市設立咨詢窗口去幫助外國人解決生活上的問題. 以下是咨詢電話所使用的外語 :

(1) 葡萄牙語 :

松本市, 上田市, 岡谷市, 飯田市, 諏訪市, 小諸市, 伊那市, 駒之根市, 茅野市,塩尻市, 佐久市, 千曲市, 東御市, 安昙野市, 箕輪町

(2) 中文 :

松本市, 飯田市, 小諸市, 駒之根市, 茅野市, 塩尻市, 佐久市, 阿智村.

(3)英文 :

長野市, 松本市, 岡谷市, 小諸市, 茅野市, 塩尻市,千曲市, 東御市, 安昙野市, 川上村.

(4) 泰文 : 小諸市, 佐久市

(5) 他加祿語 : 小諸市, 茅野市, 佐久市

(6) 韓文 : 松本市

(7) 西班牙文 : 東御市

從咨詢電話所使用的外語估計, 巴西人是最多的, 其次是中國人. 英文是國際通用語言, 所以多市均可提供英文咨詢服務. 至於西班牙文的使用者可能也是移民到南美回流的日裔南美人.

上圖是迪士尼海洋的7 大主題海港.
今天是香港公眾假期, Steve又可以安坐螢幕前寫blog.

前幾個月寫blog介紹了東京迪士尼海洋, 今天發現harddisk內尚有存貨. 又再寫一篇迪士尼海洋. steve發現youtube上載很多遊迪士尼的短片. steve手痕想拋磚引玉, 也在這裡放一小段02年遊迪士尼海洋的試作 : ^^

迪士尼海洋由7 個不同主題的海港組成, 每個海港有很多不同主題的遊樂設施, 例如 "地心探險之旅"," 海底兩萬哩". 有些熱門遊戲要排隊久等才有得玩. 樂園也提供嬰兒車及輪椅出租服務, 以方便攜帶幼兒的遊客和行動不便的遊客. BB車租金為700円, 輪椅租金為300円, 如果需要電動輪椅, 租金為2000円. 園內設有多間嬰兒中心給嬰兒餵奶, 餵飯,換尿片之用. 所以很適合一家大細一起玩.

現在迪士尼樂園那邊有新增添的"東京迪士尼樂園電子大遊行~夢之光將以新的面孔與您見面.迪士尼.皮克斯動畫「怪獸電力公司」以及「海底總動員」的卡通明星,讓閃閃動人的遊行隊伍更加熱絡壯觀.

相關文章 :

Disney產品 , 東京廸士尼海洋票劵的啟示 , 遊東京廸士尼海洋(1) , 遊東京廸士尼海洋(2)

諏訪湖的小鎮煙花當然沒有京奧那般壯觀, 但是令人難忘祭節的氣氛和熱鬧的感覺. 最近在舊電腦的硬盤找到些片斷, 是當時用OLYMPUS C-700 拍的. 我把它上載到YOUTUBE與大家分享. 又順便試下在BLOGGER的文章中插YOUTUBE影片的效果.大家也可在YOUTUBE的諏訪湖群組找到2008年的諏訪湖火花祭影片, YOUTUBE提供的這個免費平台真好. 這些都是六年前的片斷, 如果有朋友最近去過諏訪火花祭, 可以在這裡留言分享. ^^

諏訪湖邊的祭節遊樂檔及遊人 :

諏訪火車站觀賞的煙花 :

相關文章 :

諏訪湖(Suwa lake)火花祭(1)

諏訪湖(Suwa lake)火花祭(2)

達人devilrobots 的方塊豆腐人趣緻可愛,令人愛不釋手 :

現在萊爾富集團正搞"吃喝豆腐"活動. 只要到萊爾富的便利商店消費就可以把這精美的豆腐人帶回家了. ^^ 據悉在3月26號至4月22號推廣期間, 消費滿 77元就有 1 點, 集滿15點就可以換豆腐人瓷器乙個. 總共有六款! 也可以用集滿6點＋39元的方式來兌換豆腐人瓷器(杯或碗) １個. 兌換截止日為97/04/25(五)23:59止.

以前去台灣時, 也找到萊爾富便利商店. 我雖然是香港人, 也喜歡豆腐人, 希望台灣朋友可以代我去搞幾套寄過來. 大家都喜歡豆腐人的話, 現在就馬上行動... 詳情可看這裡 : http://www.hilife.com.tw/08tofu/

高山, 雨水與冬季積雪為信州帶來豐富的水資源. 信州有很多地方是有條河流穿過市中心, 可能是古時信州以農業為主, 人們喜歡在河流附近居住, 方便取水灌溉耕種及供給日常生活所需. 後來聚居點漸漸發展成為村落, 再逐步形成現代的城市. 辰野也是有河流穿過市中心的.

女烏羽川是穿過松本town center的河. 乾涸的河床可供遊人遊玩.

在女鳥羽川河邊的繩手通り, 除了有間舊中劇戲院, 還有充滿當地特色的販賣小店和青蛙玩偶.

上圖是松本城旁停車場的路人.

上圖是神社內的女孩與鴒子.

相關文章 :

現代城市中的古城-松本城Matsumoto(2)

現代城市中的古城-松本城Matsumoto(1)

松本城的太鼓門

前幾天看朝日新聞, 講白色的姬路城大天守將於明年秋天至平成15年3月進行保守大修理. 平成大修理的budget 為28億円約港幣2億. 2億港幣好難靠門劵收回成本, 可能又係要政府補貼加私人捐助. http://www.city.himeji.hyogo.jp/guide/castle/index.html
姬路城又叫"白鷺城"位於兵庫縣,巳列為世界文化遺産. 如果想參觀, 真係要趁明年秋天前去, 否則要等3 年幾後才再開放. 除了姬路城, 松本城也是日本的國寶. 正愁著無題材可寫時, 受到巴黎旅客的啟發, 再寫松本城.

松本城舊稱"深志城"別名"烏城"(からすじょう), 黑黑漆的天守閣與白雪雪的白鷺城對比強烈. 松本城的天守閣據說是日本現存最古老的天守所以才被列為國寶. 宏偉壯觀的天守通常座落前方是城堡的靈魂. 網上很多松本遊記, 個個爭住寫, 沒有什麼特別可言.

松本城的官網:
http://www.city.matsumoto.nagano.jp/english/history/castle/castle2/index.html

上圖太鼓門(正中見到的巨石是玄蕃石)

與天守閣相反的是座落於後面不起眼的太鼓門枡形(Taiko-Mon masugata gate). 太鼓門建於1595年由石川康長建造. 但是在 1871年明治維新時被拆. 二次世界大戰後重修, 並列為國寶. 太鼓樓用來報時及通報有人進城時用.

上圖門邊的玄蕃石(gemba stone) 重約 廿幾噸,高3.2米.

正方形的外門闊而矮, 有利於城堡的防禦. 攻城敵人無法騎著高大戰馬直沖而入. 門頂有三角形, 長方形的小孔, 方便伸出武器去攻擊門外敵人. 右邊的小門就不知有何用途?

遊客當中九成以上係日本人,其次是亞洲人, 歐美西方人真係好少.

雪上電單車SNOW MOBILE一點都不似電單車, 反而似部ATV四驅車多些. DEREK帶我們去租車公司SNOW MOBILE LAND SAPPORO體驗這駕駛樂趣. 租車無需識抯車,唔使有車牌. 租車套餐包一個短課程教你如何駕駛, 一頂頭盔(實物與相片可能不同.^^) 同 1個鐘頭駕駛時間. 駕駛時有2個教車師傅(coach) 抯車前後照應. 去到指定地方可以停下拍照.

Snow Mobile Land雪地車係YAMAHA車, 有 250CC及500CC兩種引擎容積. 500CC大車供師傅抯既, 亦都可以借給學員影相. ^^ 250CC細車供學員玩既.

雪地車前後兩座位, 後座可以坐一個乘客, 有車尾籃裝雜貨,頭盔. 車分為前後兩部分, 後面係動力既源頭,有好幾對車輪帶動履帶, 履帶上佈滿防滑凸牙. 履帶與路面接觸面積比較普通橡膠車胎大得多, 所以好少打滑. 轉彎就全靠車頭那對雪橇, 雪橇指向邊度, 架車就轉去邊度. 所以雪橇有好靚既避震去增加與路面接觸. 以前我一直以為履帶車係全靠兩邊獨立履帶既分別轉動/停止黎控制轉彎. 可能重型既雪地車無前面雪橇. 如果有朋友生活在北方有駕駛這類重型雪地車既經驗, 煩請指教. ^^

架500CC大車個咪表最高可以去到時速180公里, 日本車咪表應該信得過.好難想像在冰天雪山既環境中以180公里速度飛車, 個感覺係如何呢? 引擎轉數最高去到一萬RPM, 這些DATA 顯示引擎都係用普通電單車既街車引擎. 懶得上網搵, 如果有朋友知道, 煩請留言.

ODO METER係9521 公里, 係架新車. ^^ 如果剩係有雪既日子抯既話, 每年抯6 個月. 每星期抯5天, 每天抯50公里. 可能係年幾既新車.

TRIP METER 行到 780公里都無RESET, 唔通 一缸油可以行780公里以上? 再睇真D, 右下角見到原來有油表既.

雪橇車係好難調頭既. 所以軚杆及雪橇上都有個手抽, 方便搬車用.^^ 入油既油缸蓋係車頭.

以下係STEVE既BR250試車報告 :^^

上完BRIEFING, 揀頂頭盔出去抯, 抯雪地車感覺上同抯ATV一樣, 四平八穩. 架車係自動波既, 扭油就去, 落BRAKE再縮油就停. 唔使平衡力. 老婆坐後面, 兩人一架車, 重心係後面. 一個師傅帶頭, 一個師傅押後 然後一架跟一架排條車龍出去. 唔准扒頭. 以龜速5 ~30公里行車.^^

感覺上轉彎時堂軚比較重, 可能同避震硬有關, 無咩離心力. 初時沿住條槽行, 兩邊都堆高雪壆管住對雪橇, 所以其實只要比油唔使扭軚, 架車自己識轉彎. ^^ 上到斜坡路面變闊開揚, 可以供自由發揮. 上斜時加速力扭力比普通電單車稍差. 引擎聲顯示應該係 4沖單氣缸. 再去到一個山谷停下影相...

後記 :

SNOW MOBILE LAND, 好多職員係年青既鬼妹/鬼仔, 兼職多, 可能個老細係鬼佬. 以英文教你點抯. 這是那次旅行在北海道見到最多鬼佬地方了. ^^

網站連結 :

http://www.snowmobilelandsapporo.com/website/index.html

TEL.. 011-661-5355
FAX. 011-666-0877

地址 :

Snowmobile Land Sapporo
Bankei bashi Soba
Fukui478, Nishi-ku, Sapporo 063-0012

除了札幌雪祭外, 層雲峽還有冰瀑祭. 晚上扺達層雲峽, Derek 首先帶隊去看冰瀑. 燈光下各種奇形怪狀冰瀑賦予你無窮既想像空間, 所以冰瀑要晚上睇才有感覺.^^

夜宿大雪酒店, 第二天朝早的戶外溫度係零下10度. 這係我所體驗的最低天然環境溫度. 下圖小弟手指既溫度計係SATO佐滕出品.以前在OLYMPUS 廠內最常見既溫度計牌子. 日本亦係以攝氏度作為溫度單位.

層雲峽既最終行程係去大雪山國立公園參觀流星瀑布. 有失望既感覺, 瀑布應該係有落差, 氣勢磅礡.聽得到又睇得到, 係流動既水. 順著DEREK所指方向, 眼前所見既冰瀑係一塊白色既大冰塊再加四圍零星雪跡. 我相信在夏天水源充足氣侯溫暖時再來參觀, 一定有另一番美好既感覺.

網走除了有破冰船外, 還有天都山鄂霍次克流冰館提供豐富的網走附近海域資料. 館中有部份地方溫度設為零下15度, 讓遊客體驗寒冷既方法係每人派發一條濕毛巾, 再教我們在空中揮舞十餘秒, 當動作停止後, 整塊毛巾凍成一支"雪條"一樣硬.^^ 另一樣展品係"流冰天使", 上圖係小弟拙作, 對焦不準又限制使用閃光燈, 所以張相不太清晰. 但係捕捉到一隻小天使跟隨著老天使一起游水的情景. ^^

在網上得到的資料是"流冰天使"叫クリオネ Clione的浮游生物, 生長在寒冷的北海道知床半島海域. 如天使般生有一對翅膀. 據聞傳說中流冰天使係北極女神, 她游至溫暖的北海道後, 被北海道的優美環境所吸引, 停留下來. 後來雙翼漸被溫暖的海水溶化而無法離開, 最後變成水妖, 經常唱歌迷惑漁夫. 這反映日本人性格中矛盾. 墜落的天使就係魔鬼, 天堂與地獄只有一線之差.

去天都山途中看到一個印象非常深刻的路牌指向"網走監獄博物館", 可惜Derek無帶我們去參觀. 在網上找到一些有關資料 :

http://www.kangoku.jp/hantai/index.htm

博物館既前身叫"釧路監獄署, 網走外役所"用來記念昔日日本罪犯對北海道的貢獻. 古時中國既罪犯判刑後刺青再流放去邊疆, 而日本的類似做法係在北海道建立監獄去收容他們. 北海道原來是由罪犯們開拓出來的. 北海道今天的繁華建基於往昔無數罪犯的勞役及犧牲上. 早期的北海道叫"蝦夷"係非常荒涼的地方. 日本政府開放國門後為了抗衡來自北面俄羅斯既威脅要急速拓展北海道, 利用罪犯去開拓, 成本低而工程中的人命傷亡不會引起社會既反對. 這點與澳洲的建立有點相似.

博物館 網走監獄

北海道網走市呼人1-1.

電話 +81-0152-45-2411

網走位於北海道既北部, 對著顎霍次克海, 係個沿海城市. 流冰在每年 1月下旬至3 月中旬出現. 流冰係浮在海面既浮冰, 在俄羅斯遠東地區既Amur River產生, 然後隨著水流橫跨顎霍次克海到網走沿岸. 原來Amur係一條幾長跨境河流, 一路通到大陸既黑龍江. 我有個奇想 , 如果在大陸黑龍江擺低隻膠鴨仔落江, 佢有可能一直飄到網走. 這個世界真係好細.^^

http://www2s.biglobe.ne.jp/~abashiri/seen/ryuhyo.html

個旅行團一路向北走, 到達網走. Derek帶我們去乘搭破冰船看流冰,上面係網走觀光協會既詳細介紹. 下面就係我們既破冰船. 船尾跟著一大群海鷗. 兜一大圈約2個鐘. 海鷗跟在破冰船後面係因為有得食. Derek上船前教我地買包蝦條餵海鷗, 原來海鷗係鍾意食蝦條既. ^^

道東觀光開發網站 :

http://www.ms-aurora.com/

知床ナチュラリスト協会

http://www.shinra.or.jp/

網走市観光協会
093-0046
北海道網走市新町２丁目２
TEL 0152-44-5849　FAX 0152-44-5844

純白色的雪鋪在小樽的街上, 蠻有詩意的. 但係各家自掃門前雪, 街道旁的店舖還是派人定時去把它鏟走, 再堆上路旁有5/6呎約 一個人高. 綿花似的白雪鏟走後, 裸露出深色既光禿禿路面及剩下一灘灘黃泥水. 有些大剎風景既感覺, 但保留積雪卻會對行駛車輛及行人構成不便.

<網走>著名既流冰天使竟然可以在小樽街上看到, 不過是雪做的. ^^

日本人鍾意精品, 他們也善於製造精品. 小樽既手工藝品幾出名既算係手作玻璃制品, 好多係當地著名既<北一硝子> kita ichi 出品. "硝子"係 "色彩斑斕"既玻璃. 下面有<北一硝子>既連結網站 :

http://www.kitaichiglass.co.jp/top.html

硝子最適合做燈罩, 讓光線去突顯它的美麗. 我看到一隻枱燈賣2625丹約港紙百幾二百, 都算唔平.

下面係一些擺賣手作品, 竪起個牌不准摸, 眼看手勿動 :

早上9點幾運河旁既小路巳經好熱鬧, 相信遊客佔大多數, 散佈在周圍影相. 當然路面還有薄薄積雪, 大部分昨夜既積雪巳被當地人鏟上路邊. 路邊有些綠色既大箱 :

原來係用來裝一包包防滑砂既. 不過沒有英文或者其他外國文字標示. 如果遊客見到, 都唔知係什麼東西及如何使用. ^^

沒有教你如何使用既取扱說明書, 相信使用對象係當地人. 我估計應該係溶雪時, 路面非常濕滑. 如果在運河邊行走, 非常危險, 如果不小心滑倒, 有機會跌落運河. 所以預備防滑砂, 在非常場合, 取包出來撤上路面防滑用. 這點意味著日本人係非常細心及注重生活小節. 但只適用於識日文既人, 唔識日文既外國遊客真係一頭霧水.

上面有細字寫著: 取出後不可用作其他用途. 自己八卦, 真係想知防滑砂有什麼其他用途. ^^